Error တက်နေလို့ပါ။ wordpress အိမ်လေးက ကလိလို့ ဘာဖြစ်မှန်း မသိဘူးဖြစ်တာနဲ့ ဒီအိမ်လေး ခဏပြန်သုံးတယ်း)

Saturday, May 23, 2009

HappY bIrThDay mY loVeLY frI

ကျွန်တော် သူငယ်ချင်းလေး စိန်စိန်သန်း (ခ) ဖြိုးလင်းပိုင်ရဲ့ ၂၃မြောက် မွေးနေ့လေးပါ။ မေလ ၂၂ ရက်နေ့မှာ ကျရောက်တဲ့ ယောက်ဖ ညီလေး စိန်စိန်သန်းရေ (ဒီနာမည်က ကျွန်တော် ပေးထားတာပါ)

hAppY biRtHdaY စိန်စိန်သန်းရေ ၂၃ ပြည့်မှာ ပျော်ရွှင်ပါစေ
ယောက်ဖ ညီလေးရေ လိုအင်ဆန္ဒတွေ ပြည့်ပါစေ

myspace comments
ဒါလေးက ကျွန်တော် hi5 ဆိုတဲ့ Network လေးမှာ comment ပေးထားတာပါ။


ဈေးကြီးကြီး ဘီယာလေးလဲ သောက်နိုင်ပါစေ
လိုအင်ဆန္ဒတွေ ပြည့်ဝပါစေလိုက ဆုတောင်းပေးတယ် သူငယ်ချင်းရေ
၂၃နှစ်ပြည့် မွေးနေ့မှ နောင်နှစ်ပေါင်းများစွာ
သာယာချမ်းသော ဘ၀တစ်ခု ပိုင်ဆိုင်ပါစေ သယ်ရင်း

မင်းရဲ့ သူငယ်ချင်း ဖိုးဂျယ်

(ဒါလေးက facebook မှာ သွားပေးထားတာ )

ဒါလေးက သူ့ရဲ့ သူငယ်ချင်း လက်ဆောင် ပေးထားတာပါ။


ဒါကတော့ ယောက်ဖ ညီလေး စိန်စိန်သန်း (ခ) ဖြိုးလင်းပိုင်။ အခုလောလောဆယ်တော့ ဒူဘိုင်းမှာ အိုက်တိုးပဂေးဆံဆိုလား။ ကြမ်းတိုက်ဆိုလားပဲ လုပ်နေတယ်။ သူနဲ့ ကျွန်တော် တွဲရိုက်ထားတဲ့ ပုံက ရှာလို့ မတွေ့လို့ မထည့်တော့ပါဘူး။ အလိုလိုနေရင်း ဒီကောင် မှေးမှိန်သွားမှာ မလိုလားလို့ပါ။

Tuesday, March 3, 2009

သည်းခံစိတ်

လူတစ်ယောက်မှာ သည်းခံစိတ်ဆိုတာ အတိုင်းတာတခုထိပဲရှိတယ်။ အရမ်းသည်းခံနိုင်တဲ့ သူကို ကြိုက်သလောက် စိတ်ဆိုးအောင်လုပ် ပြီးရင် ပြန်ချော့ရတယ်။ ဒါပေမဲ့ သူသည်းခံနိုင်တဲ့ အတိုင်းတာကျော်သွားရင် ပုံမှန်လူထက် ဒေါသထွက်တာ၊ စိတ်နာတာ ပိုကြီးတယ်။ (စိတ်ဆိုးတာမဟုတ်ဘူးနော်၊ စိတ်နာတာနဲ့ စိတ်ဆိုးတာ မတူဘူး။ စိတ်ဆိုးတာ ချော့လို့ရတယ်။ စိတ်နာရင် တသက်လုံး အမာရွတ်ကျန်နေရော သတိရတိုင်း ပြန်ပြန် သတိရနေတတ်တယ်။) အမှတ်ကြီးတဲ့သူ၊ ကလဲ့စားပြန်ချေတတ်တဲ့သူဆို ပိုဆိုးတယ်။ ဒါမှ မဟုတ် ခဏခဏ မာန၊သိက္ခာကို ထိလာတာ ဆိုရင်တော့ ပြောဖွယ်ရာမရှိပေါ့။ စဉ်းစားကြည့်လေ ဘယ်သူပဲ ဖြစ်ဖြစ် သူတောင်းစားဖြစ်ဖြစ်၊ သူဌေးသားဖြစ်ဖြစ်၊ ပညာရှိဖြစ်ဖြစ်၊ ပညာ မတတ်တဲ့သူ ဖြစ်ဖြစ် မာနနဲ့ သိက္ခာကတော့ သူဟာနဲ့သူ ရှိတာပဲ ဘာမှ မတတ်တဲ့၊ ဘာမှ မရှိတဲ့ သူဆို ပိုပြီး မာနကြီးတတ်တယ်။ သူမှာ ဘာမှ မရှိတော့ အားငယ်စိတ်နဲ့ ကျားကန်ထားရတော့ ပို မာနကြီးတယ်။ သိက္ခာကို ပိုတန်းဖိုးထားတယ်။ ကျွန်တော့်လို ခပ်ပိန်းပိန်းကောင်လေးမှာလဲ ခပ်ရဲ့ရဲ့ မာနရှိပါတယ်။ ဘယ်သူပဲဖြစ်ဖြစ် ဘာရယ်မဟုတ်ပဲ ပြောလိုက်တာဆိုပေမဲ့ သူများရဲ့ မာန၊သိက္ခာကို ထိပါးသလို ဖြစ်သွားရင် ပြောတဲ့ သူက ဘာမှ မဟုတ်ပေမဲ့ ခံရတဲ့ သူက နင့်နေအောင် ခံရတတ်တယ်။ ကျွန်တော်ကိုယ်တိုင် သူများကို ပြောခဲ့ဖူးသလို အပြောလဲ ခံခဲ့ရဖူးပါတယ်။ အခုလဲ လူပုံလည်မှာ မျက်နှာကို စီးထားတဲ့ ဖိနပ်နဲ့ ချွတ်ပြီး ဖြတ်ရိုက်သလိုကို ရှက်သွားတယ်။ ဘယ်သူမှ မရှိပေမဲ့ ကိုယ်လိပ်ပြာ ကိုယ်ရှက်တယ်။ ဘယ်သူမှ မသိပေမဲ့ ကိုယ်ကိုတိုင်သိတယ်။ ကိုယ့်ကိုကိုယ် အဲ့လောက် ရှက်စရာကောင်းလောက်အောင် လုပ်နေမိတယ်လို့ မသိဘူး။


Saturday, February 28, 2009

မာန


စိတ်အရမ်းရှင်းလွန်းနေတာလား၊
ဟာလာဟင်းလင်းဖြစ်နေတာလား၊
အရမ်းရှုပ်နေတာလား၊
စော်ကားခံရလို့လား၊
အဲ့အခါ ငါ့ဖာသာ ကိုယ်မျက်နှာ ကိုယ်ကြည့်ပြီး
ပါးနား ပိတ်ရိုက်ချင်မတတ် အရှက်ရခဲ့တယ်
မမှတ်မရှိတဲ့ ငါ မှတ်ရှိအောင်ကြိုးစားမယ်။
ငါထင်တာ ငါတွေးပြီး
ငါဖာသာ ငါပျော်နေမယ်။
ဘယ်သူ့ကိုမှ အပြစ်ပုံမချချင်ဘူး။
ပိန်းလွန်းတဲ့ ငါအမှားပဲပေါ့။
ဒီတော့ ပိန်းတိန်းပိန်းတိန်းနဲ့ပဲ
ဆက်သွားနေမယ်။
အနာဂတ်လဲ စိတ်မ၀င်စားဘူး။
ပစ္စုပ္ပုန်လဲ မသိဘူး။
အတိတ်လဲ လာမပြောနဲ့။
နားခါးတယ်။
ချီးကျရာ ပျော်တယ်ပြောပြော
ချီးတောထဲ လသာတယ် ဆိုဆို
ဂရုမစိုက်ဘူး။
ပိန်းတိန်းပိန်းတိန်းကောင်မှာလဲ ခပ်နဲ့နဲ့ မာန ရှိပါတယ်။


Thursday, February 26, 2009

ကျားကွက်

ဒီပုံက ဒီကယူထားတာ
ငါ ဘယ်အချိန်က ဒီချောင်ထဲကို
ရောက်နေတာလဲ ? ? ? ?
ငါ့ကို ငါ ပြန်ကြည့်တော့
မှောင်မှောင်မဲမဲ အခန်းကျဉ်းလေးထဲမှာ
ပင်ကူမျှင်နဲ့ ဖုန်တွေ တက်လို့
ဖုတ်ဖတ်ခါပြီး ရုန်းထွက်ပေမဲ့
ရုန်းလေ ရှုပ်လေ ရှင်းလေ မှောင်လေ
ဆွဲထုတ်ခံရလဲ ခဏပဲ
ပြီး ဒီ အခန်းကျဉ်းလေးထဲ ပြန်ရောက်တာပဲ
နင် အကွက်ရွှေ့ချက်က နိုင်း(၉) လောက်ရှိတယ်။
ဒါပေမဲ့ ခဏခဏ ရွှေ့ခံနေရတော့ ကြိုသိနေတယ်။
ကဲကဲ နောက် ရွှေ့နည်းလေးပြောင်းပါဦး။
အသစ်အဆန်းလေး တွေ့ရတာပေါ့။

နိုင်း = ကမ်းကုန်တာကိုဆိုလိုတာပါ။ ၉ ပီးရင် ၁၀လေး)


Wednesday, February 11, 2009

ပြည်ထောင်စုနေ့နှင့် မြန်မာနိုင်ငံလွတ်လပ်ရေး ဖခင်ကြီးအား ကဗျာ၊ Essay များဖြင့် ဂုဏ်ပြုခြင်း အစီအစဉ်

ကိုအိမ်မက်မည်းဆီမှ တိုက်ရိုက် ကူးချပါသည်။


၂၀၀၉ ခုနှစ် ဖေဖေါ်ဝါရီလ ၁၂ ရက်နေ့တွင် ကျရောက်မည်ဖြစ်သော (၆၂) နှစ်မြောက် ပြည်ထောင်စုနေ့နှင့် ကျွန်တော်တို့ မြန်မာနိုင်ငံ၏ လွတ်လပ်ရေးဖခင်ကြီးဖြစ်သော ဗိုလ်ချုပ်အောင်ဆန်း၏ မွေးနေ့ တို့အား အမှတ်ရ၊ ဂုဏ်ပြုသောအနေဖြင့် ကျွန်တော်တို့ Myanmar Genius Forum တွင် ကဗျာနှင့် Essay ပြိုင်ပွဲအား ကျင်းပပြုလုပ်မည် ဖြစ်ပါသည်။

ပြိုင်ပွဲတွင် ဆုရရှိမှုအား မည်သည့် Admin, Moderator တို့ကမှ ရွေးချယ်ခြင်းပြုလုပ်မည်မဟုတ်ပဲ Vote ပေးခြင်း စနစ်ဖြင့်သာပြုလုပ်သွားမှာ ဖြစ်ပါတယ်။ Vote ပေးရာတွင် မည်သည့် နည်းပညာပိုင်း၊ နည်းစနစ်ပိုင်းကိုမှ တင်းကြပ်ထားခြင်းမရှိပဲ တစ်ဦးအပေါ်တစ်ဦး အပြန်အလှန် ယုံကြည်နားလည်မှု၊ လေးစားမှုတို့ကို အလေးထားသောအားဖြင့် လွတ်လပ်စွာ ခွင့်ပြုထားမှာ ဖြစ်ပါတယ်။

ပြိုင်ပွဲတွင် ဆုရရှိသူများအတွက် ငွေကြေး၊ လက်ဆောင်များ ပေးအပ်သွားမည်မဟုတ်ပဲ ဆုရရှိသူအား ဂုဏ်ပြုသည့်အနေဖြင့် ကာယကံရှင်ကိုယ်တိုင် ပျော်ရွှင် ဂုဏ်ယူမိနိုင်စေရန် အတွက် ကျွန်တော်တို့ Forum ထဲမှာရှိသော Member များ၏ Blog များတွင် သက်ဆိုင်ရာ Blogger များ၏ ခွင့်ပြုချက် ရယူ၍ ၎င်းတို့၏ Blog အသီးသီးတွင် ဖော်ပြဂုဏ်ပြုပေးသွားမည်ဖြစ် သည်။ ထို့နောက် ပြိုင်ပွဲများအားလုံး ပြီးစီးသွားသောအခါ အကောင်းဆုံး ကဗျာ ၁၀ ပုဒ်နှင့် Essay ၁၀ ပုဒ်အား စုစည်းကာ Ebook ဖြင့် အမှတ်တရ ထုတ်ဝေမည် ဖြစ်ပါသည်။

ထို့အပြင် Myanmar Genius ၀ိုင်းတော်သားများမှ ဆုရရှိသူများအား ၎င်းတို့ ဆန္ဒရှိပါက အလိုရှိရာ Subdomain နှင့်အတူ Hosting များကို FTP account, Database access စသည်များ ဖြင့် Fully Access ပေးကာ ထပ်ဆင့် ဂုဏ်ပြုမည်ဖြစ်ပါသည်။

ပါဝင်ရေးသားလိုသူများအနေဖြင့် အောက်ပါစည်းကမ်းချက်များအား ရှေးဦးစွာ ဖတ်ရှု၊ နားလည်း၊ လက်ခံပြီးသည့်နောက် သက်ဆိုင်ရာ ခေါင်းစဉ် များ၏ အောက်၌ လွတ်လပ်စွာ စတင်ပါဝင် ရေးသားနိုင်ကြမှာ ဖြစ်ပါတယ်။ပြိုင်ပွဲဝင်ရေးသားမှုများအား ပြည်ထောင်စုနေ့အတွက် ပြိုင်ပွဲအား ဖေဖော်ဝါရီလ ၁၀ ရက်နေ့ ည ၁၂ နာရီတွင် ပိတ်မည်ဖြစ်ပြီး ၁၁ ရက်နေ့တွင် Vote ပြုလုပ်၍ ၁၂ ရက်နေ့တွင် ထုတ်ပြန် အသိပေးမည်ဖြစ်သည်။ လွတ်လပ်ရေး ဖခင်ကြီးအတွက် ပို့စ်များအား ၁၁ ရက်နေ့ ည ၁၂ နာရီတွင် ပိတ်မည်ဖြစ်ပြီး ၁၂ ရက်နေ့တွင် Vote ပြုလုပ်ကာ ၁၃ ရက်နေ့တွင် ထုတ်ပြန်အသိ ပေးမည် ဖြစ်ပါသည်။

မှတ်ချက်။ ။ အကြောင်းအမျိုးမျိုးကြောင့် ရက်အကန့်အသတ်နဲ့သွားခြင်းအား နားလည်ခွင့်လွှတ်ပေးကြပါရန်နှငမိမိ တတ်နိုင်သလောက်ပါဝင်ရေး သားခြင်းဖြင့် ဂုဏ်ပြုကြဖို့ ဖိတ်ခေါ်အပ်ပါတယ်။


စည်းကမ်းချက်များ

၁။ ပါဝင်ရေးသားလိုသူများသည် Member အဖြစ်ဝင်ရောက်ရန်။

၂။ အပြုသဘောဆောင်သော ရေးသားချက်များသာ ရေးသားရန်။

၃။ ပုဂ္ဂိုလ်ရေးနှင့် အဖွဲ့အစည်းဆိုင်ရာ တိုက်ခိုက်မှုများရေးသားခြင်း မပြုလုပ်ရန်။

၎။ Forum အရှည်တည်တံ့ရေးအား (တိုက်ရိုက်) ထိခိုက်နိုင်သော ရေးသားမှုများ မပြုလုပ်ရန်။

၆။ ပြိုင်ပွဲနှင့် မဆီလျော် (သို့) မသက်ဆိုင်သော ရေးသားချက်များ မပြုလုပ်ရန်။

၅။ Essay အပိုင်းတွင် ဆောင်းပါး၊ ၀တ္ထုတို စသည်ဖြင့် မည်သည့် စကားပြေအမျိုးအစားကို မဆို ရေးသားနိုင်သည်။

၇။ ပါဝင်ရေးသားသူများသည် ကလောင်အမှန်နှင့်သော်လည်းကောင်း ကလောင်ဝှက်နှင့်သော်လည်းကောင်း ရေးသားနိုင်သည်။

၈။ ဖတ်ရှု၊ ဆန္ဒပြုမဲပေးသူများ အနေဖြင့် ပါဝင်ရေးသားကြသူများ၏ ကဗျာများ၊ Essay များအတွက် ဝေဖန်မှုများကိုမူ ပို့စ်များအောက်တွင် သွားရောက်ရေးသားခြင်းများမပြုလုပ်ပဲ ဝေဖန်ချက်များအတွက် သီးသန့်ထားရှိပေး သောခေါင်းစဉ်အောက်တွင်သာ ရေးသားပေးကြရန်။

၉။ အထက်ပါ စည်းကမ်းချက်များနှင့်အတူ Forum စည်းကမ်းများ နှင့် ကိုက်ညီခြင်းမရှိသော ရေးသားမှုများအား Forum Admin နှင့် Moderator အဖွဲ့မှပြိုင်ပွဲတွင်ထည့်သွင်းစဉ်းစားနိုင် မည် မဟုတ်ပါ။ (လိုအပ်ပါက ဖြေရှင်းချက်များ ပြန်ကြားပေးမည်ဖြစ်ပါသည်။)

၁၀။ ပါဝင်ရေးသားကြသူများအနေဖြင့် အထက်ပါ စည်းမျဉ်း၊ စည်းကမ်းချက်များကို ဖတ်ရှု လက်ခံပြီး ကျွန်တော်များ၏ Forum တွင်ပျော်ရွှင် စိတ်လှုပ်ရှားဖွယ်ရာ စာပေပြိုင်ပွဲလေးတစ်ခု အဖြစ် ပါဝင်ဆင်နွှဲနိုင်ကြရန် စီစဉ်ပေးခြင်းဖြစ်ပါသည်။

မှတ်ချက်။ ။ ပါဝင်ရေးသားကြသော ပညာရှင်၊ ၀ါသနာရှင်များ၏ Personal Information များကိုကျွန်တော်တို့ Myanmar Genius Member များမှ အပြည့်အ၀ကာကွယ်ပေးသွားမည် ဖြစ်သော်လည်း မိမိရေးသား တင်ပြသော ကဗျာ သို့မဟုတ် Essay အတွက်ကိုမူ စာရေးသူတွင်သာ တာဝန်အပြည့်အ၀ရှိမည်ဖြစ်သည်။

P.S- ပြိုင်ပွဲဆိုတာထက် ကျွန်တော်တို့ရဲ့ ရင်ထဲမှာ ဒီနေ့ထူးနေ့မြတ်တွေကို မမေ့ပျောက်ပဲ အမှတ်တရရှိနေသေးကြောင်း ဂုဏ်ပြုပြသလိုသော ကြောင့် စီစဉ်ခြင်းဖြစ်ပါတယ်။

Wednesday, January 28, 2009

Tag

ကိုဝင်းမင်း ဖတ်ချင်တဲ့ tag လေး “မတရားမှုတခုမှာ သင်ဟာ ကြားနေတယ်ဆိုရင်... သင်ဟာ ဖိနှိပ်သူဘက်က လိုက်ဖို့ ရွေးချယ်လိုက်တာနဲ့ အတူတူဘဲ” တဲ့ ကိုဝင်းမင်း ခင်ဗျာ အကို tag ထားတာက နိုင်ငံရေး ဆန်နေပါတယ်။ ကျွန်တော်က နိုင်ငံရေးနဲ့ ပတ်သက်လို့ နားမလည်ပါဘူး။ ဒါပေမဲ့ လေးစားသမှုနဲ့ အကို tag ထားတာကို နားလည်သလောက် ရေးလိုက်ပါတယ်။


ဖိနှိပ် သူက ဘယ်သူလဲဆိုတာလဲ အရေးကြီးပါတယ်။ တခါတုန်းက ရပ်ကွက်တခုမှာ ညနေတိုင်း အရက်မူးပြီး ပြန်လာရင် ရန်အမြဲဖြစ်တဲ့ လင်မယားနှစ်ယောက်ရှိပါတယ်။ ညနေတိုင်းယောင်္ကျားက မူးလာရင် သူ့မိန်းမကို ရိုက်နှက်တတ်တယ်။ အစကတော့ ဘေးပတ်ဝန်းကျင်က ၀ိုင်းဆွဲပေမဲ့ နေ့တိုင်းလိုဖြစ်နေတော့ ထုံးစံတခုဖြစ်လာတယ်။ ဒါနဲ့ တစ်နေ့တော့ ထုံးစံအတိုင်း ယောင်္ကျားက မူးပြီး ရိုက်နေတာကို သူ့မိန်းမက အော်နေကျအတိုင်း " အောင်မလေး ဒီအတိုင်းပဲ ကြည့်နေတော့မှာလား အရပ်ကတို့ရဲ့ " ဆိုပြီး ငိုကြီးချက်မနဲ့ အော်တာပေါ့။ ဒါကို လမ်းမှာ သွားနေတဲ့ လူစိမ်း ယောင်္ကျားတစ်ယောက်က လူစွမ်းကောင်းလုပ်ပြီး အဲ့မိန်းမရဲ့ ယောင်္ကျားကို ၀င်ထိုးလိုက်ပါရော ဒီမှာတင် ခုဏက ငိုကြီးချက်မနဲ့ မိန်းမက ချက်ချင်းပဲ ထပြီး "ကျွန်မယောင်္ကျားကို လူရမ်းကားတစ်ယောက် ၀င်ရောက် ထိုးကျိတ်နေပါတယ် " ဆိုပြီး အော် ပါလိမ့်ရောလား။ ဒီတော့ ခုဏက လူစွမ်းကောင်းလဲ နောက်ကျတဲ့ ဖနောင့် သစ္စာဖေါက်လို့ သဘောထားပြီး ပြေးပါလိမ့်ရောလား။

အဲ့လို မတရားတဲ့ အခြေအနေမျိုးမှာရော ကိုဝင်းမင်း ရပ်ကြည့်နေမလား???? ၀င်ရောက်စွက်ဖက်မလား ????? ပြေးပေါက်မှားမယ်နော့


အိမ်ထောင်စုတစုမှာ အဖေက ရမ်းကားပြီး သားသမီးတွေ မတရားရိုက်နှက် ဆုံးမနေတယ်ဆိုရင်ရော ကိုဝင်းမင်း ရပ်ကြည့်နေမလား???? ၀င်ရောက်စွက်ဖက်မလား ????? ဒါဆိုရင်တော့ သေချာတယ် တစ်အိမ်လုံး ၀ိုင်းရိုက်တာ ခံရမယ်။

လက်ထဲမှာ လုပ်ပိုင်ခွင့်တွေနဲ့ လုပ်ချင်ရာလုပ်နေမှန်းသိသိကြီးနဲ့ လုပ်နေတာကိုရော ကိုဝင်းမင်း ရပ်ကြည့်နေမလား???? ၀င်ရောက်စွက်ဖက်မလား ????? ကိုဝင်းမင်း လက်ထဲမှာ တခုခုရှိတယ် ဆိုရင်တောင် လုပ်ရဲလို့လား။ ကိုယ်ကို့ကိုယ် အရင်မေးကြည့်နော့။

ချစ်သူနှစ်ဦးမှာ တစ်ဦးဦးက မတရားသဖြင့် ချူစားနေတယ် ဆိုပါဆို ကိုဝင်းမင်း ရပ်ကြည့်နေမလား???? ၀င်ရောက်စွက်ဖက်မလား ????? သတိထား ပါးရိုက်ခံရမယ်နော့


ကဲဒီလောက်ပါပဲဗျာ။ ကျေနပ်မယ်လို့ယူဆပါတယ်။

လေးစားစွာဖြင့်

Wednesday, January 21, 2009

ငံပြာရည်ပုလင်းမှောက်ခြင်း (new year)


မှတ်ချက်း ကျွန်တော့်အမဖြစ်တဲ့ မဝါဝါခိုင်မင်းရဲ့  အမှတ်တရလေးများ ဘလောဂ်မှ ကူးယူဖေါ်ပြထားခြင်းဖြစ်ပါတယ်..
တီတီဝါ ခွင့်ပြုသလို အားလုံးလဲ ခွင့်ပြုတဲ့ အတွက် ကျေးဇူးပါ။
နှစ်သစ်မှာ အားလုံး ပျော်ရွှင်ချမ်းမြေ့ကြပါစေ။


Monday, January 19, 2009

ရှက်စိတ်


ဒီပုံအကောင်းက နန်းညီ လုပ်ပေးထားက ဒီဖက်ကတော့ ကျနော် ပျက်ဆီးအောင် လုပ်ထားတာလေးပေါ့
ငါ မနက်အိပ်ယာထတော့
မျက်နှာမသစ်ပဲ
ထုံးစံအတိုင်း ဟိုခွေ ဒီခွေ
ဟိုလျှောက် ဒီလျှောက် လုပ်ရတာ
အရသာတွေ့နေတယ် . . . .။
ဒါနဲ့ အဓိပ္ပာယ်မဲ့ မှန်ရှေ့ရပ်မိလိုက်တယ်
ဟင် !!!!!!!!!!!!!
မှန်ထဲမှာ ဘယ်လဲဟ ! ! ! !
ငါဟာ ငါနဲ့ မတူတော့ဘူး . . . .
(တုန့်လှုပ်ခြောက်ခြားသွားတယ်)
သေချာကြည့်လေ မတူလေပဲ . . . .
ငါ ဒီမျက်နှာနဲ့ နေတာ
ဘယ်လောက်ကြာသွားပြီလဲ ? ? ? ?
မှန်မကြည့်ပဲ အိပ်နေတာ ကြာပြီလေ။
အရင် မျက်နှာ ပြန်လိုချင်နေတာလား ? ? ? ?
ဒါပေမဲ့ . . . .
ဒီမျက်နှာက နည်းနည်း လူရာဝင်သလိုပဲ

Sunday, January 18, 2009

ကျွန်တော့်မြို့

ကျွန်တော် ပိုင်တဲ့မြို့လေးမှာ
ကျောက်တိုင်လေး တတိုင်စိုက်ထူထားတယ်။
" ကဗျာသေးသေးလေး "ဆိုတဲ့
စာတမ်းလေးပေါ့ ခပ်မှိန်မှိန်လေးပါပဲ . . . .
မသိတဲ့သူဆို ကျော်သွားလောက်သော
ဘာမှ မထူးခြားတဲ့ သူလို ကိုယ်လို ကျောက်တိုင်လေးပါ
အဲ့မြို့လေးထဲမှာ သူလို ကိုယ်လို ခံစားချက်တွေ
ဖွံ့ဖြိုးတယ်၊ ဆုတ်ယုတ်တယ် . . . .
အောင်မြင်တယ်၊ ကျရှုံးတယ် . . . .
ပိုင်ဆိုင်တယ်၊ စွန့်လွှတ်တယ် . . . .
ချစ်တယ်၊ မုန်းတယ် . . . .
ခွင့်လွှတ်တယ်၊ နာကျည်းတယ် . . . .
မြို့အင်္ဂါနှင့် ညီညွှတ်အောင်
ရံဖန် ရံခါ မကောင်းမှုတွေ ကျူးလွန်တယ်
ကောင်းမှုတွေ ပြုလုပ်တယ်။
ဟာသတွေ ရှာဖွေတယ် . . . .
စိတ်ရှုပ်စရာတွေ ဖေါ်ထုတ်တယ် . . . .
ခိုင်မာတဲ့ ဆုံးဖြတ်ချက်တွေရှိသလို
တွေဝေတဲ့ အပြုမူတွေတွေ့တတ်တယ် . . . .
ကိုယ်ပိုင် ခံစားချက်တွေရှိသလို
အငှားခံစားချက်တွေ ပါဝင်တယ် . . . .
တခါတခါ ဒီမြိုကလေးကို အလှဆင်သလို
တခါတခါ ဒီမြို့လေးထဲက ထွက်ပြေးတယ် . . . .
တခါတရံ မြို့လေးက အေးချမ်းပြီး
တခါတရံ မြို့လေးက ပူလောင်တယ် . . . .
ဖြစ်လေ့ ဖြစ်ထရှိတဲ့ မြို့လေးရဲ့ ပုံစံကတော့
စိုပြေလိုက် ခြောက်သွေ့လိုက်ပေါ့ . . . .
ဒီမြို့လေးထဲမှာ . . . .
အဖြစ်ပျက်ပေါင်းများစွာ ပျက်စီးနေသလို
အဖြစ်ပျက်ပေါင်းများစွာ တည်ရှိနေတယ် . . . .
မြို့လေးထဲမှာ ပြေးလွှား ခုန်ပေါက်နေတတ်သလို
တနေရာရာမှာ ငြိမ်ငြိမ်သက်သက် ခွေနေတတ်တယ်။
(စိတ်ဗလာဖြစ်နေရင်ပေါ့)
ငါ့ မြို့လေးထက် တစ်ခြားမြို့ကို
ပိုချစ်တတ်တယ် . . . .
ငါမြို့လေးထက် အဲ့ မြို့လေးမှာ
နေထိုင်ရတာ နှစ်သက်တယ် . . . .
ဘာပဲဖြစ်နေဖြစ်နေ ဒီမြို့လေးက
ငါ့ မြို့လေးပဲ . . . .

Thursday, January 15, 2009

ရထားလမ်း

ဒီကပုံ နန်းညီ ရိုက်ထားတာပါ။

ခရီးသည် ။ ။ ဟေ့ ဖိုးဂျယ် (ရထားကြီးနာမည်)

ရထားကြီး ။ ။ ဘာလဲကွ

ခရီးသည် ။ ။ ခင်ဗျား ကြည့်ရတာ အိုဟောင်းဆွေးမြေ့နေတာပဲ

ရထားကြီး ။ ။ ဟေ ဟုတ်လား ငါလည်းမသိရပါလား

ခရီးသည် ။ ။ ခင်းဗျားကို ပြင်မဲ့ စက်ပြင်ဆရာ မရှိဘူးလားဗျ

ရထားကြီး ။ ။ အေး မရှိဘူးကွ ဟော ဟဲ ဟော ဟဲ

ခရီးသည် ။ ။ ဘာဖြစ်နေတာလဲ ခင်ဗျားကြည့်ရတာ ပင်ပန်းလိုက်တာ

ရထားကြီး ။ ။အတွေးတွေကို ခွမောင်းလာရတာ ဘယ်လောက်
ပင်ပန်းလဲ မင်း စဉ်းစားကြည့်ပေါ့ဟ

ဟုဆိုပြီး ရထားကြီးလဲ ရှုး ရှဲ ရှုး ရှဲနဲ့ ပြောပြီး ဆက်မောင်းသွားတယ်။

စာရေးဆရာတစ်ယောက်ရဲ့ အတွေးလေးကို ယူသုံးထားတာပါ။ ဘယ်သူလဲတော့ အတိအကျ မမှတ်မိတော့ပါဘူး။ ဆရာ တာရာမင်းဝေ (သို့) ဆရာ မင်းခိုက်စိုးစန်လို့ထင်ပါတယ်။

Tuesday, January 13, 2009

နှစ်သစ်နဲ့ နှစ်ဟောင်းအကူး ညလေးမှာ

မောင်ရှင်းသန့် tagထားတဲ့ မနေ့က ညဆိုပေမဲ့ ဘယ်နှစ်ရက်မှန်းမသိတော့ပါဘူး။ သူဆိုလိုချင်တာက ၂၀၀၈ နောက်ဆုံးရက်မှာ နှစ်သစ်နဲ့ နှစ်ဟောင်းအကူး ညလေးမှာ ဘာလုပ်လဲဆိုတဲ့ tagလေးပေါ့။

ပထမတော့ ထွေထွေထူးထူးမရှိပါဘူး။ ဒီလိုပဲ အစ်ကိုတို့ လင်မယားနဲ့ Marina bay သွားမယ်ဆိုပြီးတော့ စဉ်စားထားပေမဲ့ သွားရင်ကောင်းမကောင်း စဉ်းစားပြီးမှ အိမ်မှာပဲ ဘလော့လည်မယ်ဆိုပြီး အိမ်မှာပဲ နေခဲ့လိုက်တယ်။ ဒါနဲ့ ၉း၀၀ လောက်ရောက်တော့ New year wish တွေ ပို့ဖို့ သတိရပြီး များပြားလှတဲ့ သူငယ်ချင်း ၆ယောက်ကို ပို့လိုက်ရော ဒီမှာပဲ ချစ်လှစွာသော ချစ်ဖလို့ စနေတဲ့ သူငယ်ချင်းအရင်းခေါက်ခေါက်ကြီးက ကျနော် SMS မြင်မှ သတိရရှာပြီး ဘယ်မှာလဲ ?? ဘာလုပ်နေလဲလို့ သတိတရမေးရှာပါတယ်။ ဒီတော့ ငါအိမ်မှာဆိုတော့ Sentosa လာမလားတဲ့ သူ့သူငယ်ချင်းတွေနဲ့ အတူတူရှိနေတာတဲ့ ဘီယာတိုက်ပါ့မယ် လာခဲ့ပါလားတဲ့ သူနဲ့က စင်ကာပူရောက်မှ ကျောင်းမှာ ခင်တာလေ ကျနော်က ဆက်ဆံရေးအရမ်းကောင်းတော့ မြန်မာတွေ များပေမဲ့ သူငယ်ချင်း ၄ယောက်ကြီးများတောင် ခင်တာ နှစ်ယောက်က ယောင်္ကျားလေးလေ ချစ်ဖရယ်၊ နောက်တစ်ယောက်က ရဲမင်းတဲ့။ နောက်မိန်းကလေးနှစ်ယောက်က ချစ်ဖရဲ့ ကောင်မလေးရယ်၊ သူ့ ၀မ်းကွဲအစ်မရယ် ဟဲဟဲ အဲ့လို ဆက်ဆံရေးပြေပြစ်တာနော်။ ဒါနဲ့ ချစ်ဖက လာခဲ့တဲ့ ဒီမှာ သူ့ကောင်မလေးရယ် သူ့ ကောင်မလေးရဲ့ အစ်မအတွဲရယ် ရှိတယ်တဲ့ ဒီတော့ နည်းနည်းတော့ အားရှိသွားတယ်။ ဟုတ်တယ်လေ ခင်တဲ့ သူငယ်ချင်းတွေ ၃ယောက်ဆိုတော့ နည်းနည်း အားရှိတာပေါ့။ ဒါနဲ့ အေး လာမယ်ဆိုပြီး ရေချိုးပြီး ထွက်လာတယ်။ အိမ်ရှေ့မှတ်တိုင်ကနေ Vivo Cityကို သွားတဲ့ Busကို စီးသွားလိုက်တယ်။ Vivo City ရောက်တော့ ဓာတ်လှေကား စီးဖို့ တန်းစီရတယ်။ နှစ်ထပ်ဆိုတော့ နှစ်ခါတောင် တန်းစီရတယ်။ မသိရင် တခုခု အလကား ပေးနေတာကျနေတာပဲ။ အရှည်ကြီးပဲ ဒီတခါပဲ ထူးထူးဆန်းဆန်း ဓာတ်လှေကားစီးဖို့ တန်းစီရတာကြုံဖူးတယ်။ ဒီမှာက တကယ်တော့ သွားစရာ နေရာက များများစားစား မရှိဘူးလေ။ ဒီနေရာလေးတွေပဲ ပတ်သွားနေရတာ . . . . ဒါနဲ့ ၁၀ ခွဲလောက် သူငယ်ချင်းတွေဆီ ရောက်သွားတယ်။ ရောက်တော့ သူ့တို့အတွဲ နှစ်အတွဲရဲ့ ကောင်မလေးတွေက မူးပြီး ရစ်နေပြီလေ။ ကျနော်ရောက်တော့ Chivas Regal နှစ်လုံး ပြောင်သွားပြီတဲ့ ကောင်းရော ဒါပေမဲ့ ကျနော်ကလဲ အိပ်ရေးတွေပျက်နေတော့ မသောက်ခင်တည်းက မူးနေပြီလေ လာကတည်းက ဘီယာလောက်ပဲ သောက်မယ်ဆိုတဲ့ ရည်ရွယ်ချက်နဲ့လာတာလေ။ သောက်လိုက်ရင် လဲသွားနိုင်တယ်လေ။ ဒါနဲ့ ကမ်းစပ်မှာ မတ်တပ်ရပ်ပြီး ပြင်လယ်ပြင်ကြီး ကြည့်ပြီး ဘီယာလေးသောက်လိုက် တွေးချင်ရာတွေးလိုက်ပေါ့။ ဒီလိုပါပဲ တောင်တွေးမြောက်တွေးပေါ့။ ဒါနဲ့ တော်တော်ကြာတော့ သူငယ်ချင်းက သတိရပြီး ဘယ်ရောက်နေလဲ ဖုန်းခေါ်တော့မှာ ၀ိုင်းထဲ ပြန်ဝင်လာလိုက်တယ်။ ဒီလိုနဲ့ စကားပြောရင်းနဲ့ ချစ်ဖ မင်း Alarm ပေးထားလားကွပေါ့။ အမှန်တော့ ကျနော်က ဖုန်းထုတ်ကြည့်ရမှာ ပျင်းလို့ အစဖေါ်လိုက်တာ သူငယ်ချင်းကလဲ အားကိုးရတယ်။ သူများအော်ရင် လိုက်အော်ယုံပေါ့တဲ့ ကောင်းရော မင်းကလဲ ကြည့်ပါကွဆိုတော့မှ ထုတ်ကြည့်တယ်။ ၁၁း၅၈ ရှိနေပြီ ဒါနဲ့ အားလုံးမတ်တပ်ရပ်နေတုန်း ပြင်လယ်ထဲက သင်္ဘောကလဲ သြအော် ဆွဲတော့မှ ကဲကဲ အားလုံးလာဆိုပြီး ဘာရယ်မဟုတ်ဘူး။ ငယ်ငယ်က ၀ိုင်းကြီးပတ်ပတ် ဒူဝေေ၀ ဆော့ပုံမျိုး Happy New Year ဆိုပြီး ကျဉ်းလိုက် ကျယ်လိုက်နဲ့ အော်လိုက်ဟစ်လိုက် လုပ်နေကျတယ်။ အဲ့တာလေးကတော့ တကယ့်မှတ်မှတ်ရရလေးပဲ။ ပြီးလဲ ပြီးရော ကျနော်လဲ ဘာရယ်မဟုတ်ဘူး ဘီယာတစ်ဘူးနဲ့ ကမ်းစပ်မှာ သွားရပ်မိပြန်တယ်။ ကမ်းစပ်မှာ ရေဆော့ရင်းနဲ့ ပြင်လယ်ထဲက သင်္ဘောတွေ ညဖက်ကြည့်ရတာလဲ အရသာတမျိုးပဲလေ။ ဒါနဲ့ ခဏနေေ Elevenမှာ သွားဝယ်မယ် လိုက်ခဲ့ဆိုတာ နဲ့ လိုက်သွားတယ်။ ပြန်လာတယ် သောက်တယ် စကားပြောတယ်။ ဒီလိုနဲ့ မနက် ၅ ခွဲလောက်ကျတော့ အားလုံး သိမ်းစရာရှိတာ သိမ်းပြီး Busနဲ့ ပြန်လာတယ်။

မောင်ရှင်းသန့်ရေ နှစ်သစ်ကူးညက လုပ်ခဲ့တာလေးပေါ့။ နှစ်သစ်မှာ ဘာတွေလုပ်မယ်ဆိုတဲ့ စိတ်ကူးတော့ မရှိသေးပါဘူး။ အခုလို tag တာ ကျေးဇူးပါ။ နောက်ကျသွားတာ စိတ်မကောင်းပါဘူး။ နေမကောင်းတာနဲ့၊ ကျောင်းက ပြန်တက်နေပြီဖြစ်လို့ပါ။


Saturday, January 10, 2009

မိဘ


ဒီနေ့ အမေများနေ့တဲ့ မှတ်မှတ်ရရ ကဗျာဟောင်းလေး ပြန်တင်လိုက်ပါတယ်။ လွတ်လပ်စွာ သဘောထားကွဲလွဲနိုင်ပါတယ်။

တစ်ချို့မိဘတွေက သူ့တို့သားသမီး
မျက်နှာငယ်မှာစိုးလို့ သူတို့တတ်နိုင်သလောက်
ဝယ်ယူဖြည့်ဆည်းပေးကြတယ်။
တစ်ချို့မိဘတွေက သူ့တို့သားသမီး
မျက်နှာငယ်မှာ စိတ်မ၀င်စားဘူး
ပိုက်ဆံမကုန်ရင်ပြီးတာပဲ။

တစ်ချို့မိဘတွေက သူ့တို့ရဲ့

အရွယ်ရောက်ပြီးသား သားသမီးတွေကို
ကိုယ့်ခြေထောက်ပေါ်ကိုယ်
ရပ်တည်မှုနဲ့ ရင့်ကျက်မှုကို နားလည်အောင်
သင်ကြားပေးကြတယ်။
တစ်ချို့မိဘတွေက သူ့တို့ရဲ့

အရွယ်ရောက်ပြီးသား သားသမီးတွေကို
အရာရာ သူတို့လက်အောက်မှာထားပြီး
မိသားစုရဲ့ ဘယ်အရေးကိစ္စကို မဆို
ဝင်ရောက်ဆွေးနွေးခွင့်မပြုဘူး။

တစ်ချို့မိဘတွေက သူ့တို့ရဲ့

အရွယ်ရောက်ပြီးသား သားသမီးတွေ
ဘယ်နေရာမှာ မှားယွင်းပါစေ၊ ကျရှုံးပါစေ
သားသမီးရဲ့ ရှေ့မှာ မားမားမတ်မတ်ရပ်တည်ပေးပြီး
အားပေးဖြေရှင်းတတ်ကြတယ်။
တစ်ချို့မိဘတွေက သူ့တို့ရဲ့

အရွယ်ရောက်ပြီးသား သားသမီးတွေရဲ့
ကျရှုံးမှု၊ မှားယွင်းမှုတွေကို
ရှုံချပြီး အသုံးမ၀င်တော့လောက်အောင်
ဆူပူကြိမ်းမောင်းတယ်။

ကျနော်ရဲ့ ဇာတိမြို့လေး


ဒီပုံလေးက
ကိုကေလာ ဆီက ယူထားတာပါ။
ကျနော့ဇာတိမြို့လေးမှာ ကျနော်နေတုန်းကပေါ့ . . . .
Nike, Giordano, Crocodile တွေမသိဘူး။
ကျနော်သိတာက . . . .
အဖေကိုယ်တိုင် ချုပ်ပေးတဲ့ ရှပ်အင်္ကျီလေး နဲ့
သဲတောဝမ်းတွင်းက ထွက်တဲ့ လုံချည်တွေပဲသိတယ်။

Toyota, Mzada, Nissan, Suzuki ဆိုတဲ့ ကားတွေမသိဘူး။
ကျနော်သိတာက........
နွားတစ်ရှဉ်းဆွဲတဲ့ နွားလှည်း နဲ့
မြင်းတစ်ကောင်ဆွဲတဲ့ မြင်းလှည်းပဲသိတယ်။

Telephone, Handphoneတွေ မသိဘူး။
ကျနော်သိတာက . . . .
၇ အိမ်ကြား ၈အိမ်ကြား အော်သံတွေနဲ့
"ရွာအနောက်ပိုင်းကို ညည်းရောက်ရင်
သာလှကို အိမ်ကိုလာဖို့ပြောပေးပါ" ဆိုတဲ့
လှမ်းမှာသံတွေပဲကြားရတယ်။

VCD, DVD, TV, Internet တွေ မသိဘူး။
ကျနော်သိတာက . . . .
သူကြီးအိမ်က ၁၄ လက်မ Black and White TVလေးပါပဲ။

ဘာဂါ၊ ပီဇာ၊ ဒိုးနပ်တွေ မသိဘူး။
ကျနော်သိတာက . . . .
အရီးလေးရဲ့ ဘိန်းမုန့် နဲ့ မုန့်ပျားသလက်ပါပဲ။

မနက်စာအဖြစ်စားကြတဲ့
ပေါင်မုန့်ကြက်ဥကြော် နဲ့ ကော်ဖီ ကို မသိဘူး။
ကျနော်သိတဲ့ . . . .
မနက်စာကတော့ မနေ့ညက ကျန်တဲ့
ထမင်းကြမ်းကို ပဲပေါင်း နဲ့ စားတာပါပဲ။

လျှပ်စစ်မီး၊ အင်ဗက်တာ မသိဘူး။
ကျွန်တော်သိတာက . . . .
လပြည့်ည နဲ့ ရေနံ့ဆီနီးခွက်လေးပါပဲ။

အဲယားကွန်း၊ ရေခဲသတ္တာတွေ မသိဘူး။
ကျနော်သိတာက . . . .
သင်ဖြူးဖျာလေး နဲ့ မြေအိုးလေးထဲက ရေလေးတွေပါပဲ။

ကျနော့ဇာတိမြို့လေးမှာ ကျနော်နေတုန်းကပေါ့ . . . .
ရိုးသားခြင်းတွေ၊ ရိုင်းပင်းကူညီခြင်းတွေ သိတယ်။
အခု ဟန်ဆောင်ခြင်း နဲ့ ကောက်ကျစ်ခြင်းတွေကို
ရင်းနှီးကျွမ်းနေတယ်။

အခု ကျနော်မသိတာတွေ သိတယ်။

ပဲပေါင်း=ပဲပြုတ် (ပျဉ်းမနားက ပဲပြုတ်ကိုပဲပေါင်း ဟုခေါ်ပါသည်။)


Wednesday, December 31, 2008

hApPy n3w y3aR

ပျော်ရွှင်စရာ နှစ်သစ်ကူးလေးဖြစ်ပါစေ
အားလုံးသော ဘလော့မောင်နှမတွေ နှစ်သစ်မှာ ပျော်ရွှင်ပါစေ

New Year Myspace Comments
MyNiceSpace.com

ဒီလိုပျော်ရွှင်စရာ ရှိတဲ့သူတွေ ပျော်နိုင်ပါစေ

New Year Myspace Comments
New Year Myspace Comments
New Year Myspace Comments





New Year Myspace Comments
Zodiac Myspace Comments

Monday, December 29, 2008

ခွင့်စာ

ခွင့်စာဆိုလို့ ဒီခပ်ပိန်းပိန်းကောင်လေး ဘာတွေများ ကြီးကြီးကျယ်ကျယ် လုပ်တာပါလိမ့်လို့ မတွေးလိုက်ကြပါနဲ့။ ဘာမှ ကြီးကြီးကျယ်ကျယ် လုပ်ဖို့ မဟုတ်ပါဘူး။ ကြီးကြီးကျယ်ကျယ်လဲ မဟုတ်ပဲနဲ့ ဘာလို့ မင်းက ခွင့်စာတင်ရတာလဲကွလို့ပြောရင် ကျတော် ၂၀၀၉ ရောက်ရင် ကျတော် ပျောက်နေတဲ့ အနာဂတ်ကို ကြိုးစား ရှာဖွေရတော့မှာပါ။ ကျတော်က လက်ရှိမှာ ပစ္စုပ္ပုန်လဲ မသိ အတိတ်လဲမရှိ အနာဂတ်ဆိုတာ ဘာလဲ မေးရမဲ့ ကောင်ပါ။ အခုအချိန်မှာ အားမွေးမယ်ဆိုပြီးတော့ တစ်ယောက်တည်း ကျိတ်ပြီး တိတ်တိတ်လေး နေချင်ပြန်ပါတယ်။ ဘလော့ သံယောဇဉ်တော့ ပြတ်နိုင် မပြတ်နိုင် မသိပေမဲ့ အချိန်ကတော့ တော်တော် လုရမှာပါ။ လက်ရှိတက်နေတဲ့ ကျောင်းအပြင် Short Course တခုပါ ညဘက် တက်မှာ ဖြစ်တဲ့ အတွက် အိမ်ပြန်ရောက်ချိန်ဟာ ည ၁၁နာရီ ၀န်းကျင် ဖြစ်နိုင်ပါတယ်။ အရင်က ကျောင်း တက်ချင်ယောင်ဆောင်ခဲ့တဲ့အတွက် အခုကျောင်းပြန်ဖွင့်ရင်တော့ ကျောင်းသေချာတက်ပြီး စာသေချာလုပ်ရတော့ပါမယ်။ အခုကျောင်းပိတ်ရက်မှာလဲ ယောင်ခြောက်ဆယ်လုပ်ရင်း ဇီးကွက်ဖြစ်နေတဲ့အတွက် လူလဲ ဂျပိန်ညောင်မျိုးဖြစ်နေပါပြီ (မောင်မျိုးရေ လက်စားချေတာဟေ့) ဒါကြောင့် ခွင့်စာ ကြိုတင်ထားတာပါ။ အခုတည်းက စိတ်ကို အေးအေးဆေးဆေး နားချင်တာရယ်၊ ကျတော့ အိမ်လေးထက် သံယောဇဉ်ရှိတဲ့ ငပေါဂေဟာလေးမှာ လုပ်စရာလေးတွေရှိတာကြောင့်ပါ။ ဒါကြောင့် Tag လေးကို အမြန်ဆုံးရေးသားလိုက်ရတာပါ။ အကယ်၍ အိမ်လိုက် မလည်နိုင်ခြင်း၊ ပိုစ့် အသစ် မတင်နိုင်ခဲ့ပါက တောင်းပန်ပါတယ်။ အချိန်ကုန်ခံ လာလည်ပြီး ဘာပိုစ့်မှ မရှိရင် အားနာစရာကောင်းလို့ပါ။ ခဏပိတ်ထားမယ်ဆိုလဲ ၀ိုင်းပြောမဲ့ မောင်နှမတွေရှိနေတော့ ပိတ်မယ်လဲ မပြောရဲဘူးလေ။ ကျောင်းပိတ်ရက် စနေ နှင့် တနင်္ဂနွေတော့ ဘလော့ မရေးနိုင်ရင်တောင် အိမ်တွေလိုက် လည်ပြီး စာတွေဖတ်ဖြစ်မယ်လို့ ထင်ပါတယ်။ ကျတော်မှာ လုပ်စရာက ဒီအလုပ်ပဲရှိတယ်လေ။ ဘလော့မှာ စာလိုက်ဖတ်ရတာ ၀တ္ထုစာအုပ် ဖတ်ရတာနဲ့ မတူပါဘူး။ ကိုယ်ပိုင်ဟန်တွေနဲ့ ရေးသားထားတဲ့ ပုံစံမျိုးစုံသော ရသတွေ၊ ဗဟုသုတတွေ၊ အချစ်တွေ၊ အလွမ်းတွေ၊ ပျော်စရာလေးတွေကို တယောက်တမျိုး မရိုးအောင် ခံစားလို့ရတယ်လေ။ စီဘောက်အော်ခဲ့ရတာလဲ ပျော်ရွှင်ဖွယ်ကောင်းတဲ့ ဘလော့ဂါ ဘ၀လေးလေ။ ကျတော်ဘ၀မှာ ချစ်ခင်ရင်းနှီးတဲ့ မောင်နှမတွေကိုလဲ ဒီဘလော့လေးကနေရခဲ့တာပါ။ ဘာပဲဖြစ်ဖြစ် ဒီဘလော့ဂါဘ၀လေးကိုတော့ ဘယ်တော့မှ မစွန့်လွှတ်ပါဘူး။
အားလုံးရဲ့ မောင်ငယ်၊ တူလေး၊ အစ်ကိုကြီး၊ ညီငယ် ဖိုးဂျယ်


Thursday, December 25, 2008

Merry Christmas

ပျော်ရွှင်ဖွယ်ရာ X'mas ပါ။

ဒါကတော့ ကိုကေလာ လက်ဆော့ထားတဲ့ X'mas လက်ဆောင်ပေါ့။







Wednesday, December 17, 2008

အလင်းတု

ဆားချက်ခြင်းမဟုတ်ပါ။ တက္ကသိုလ် ဒုတိယနှစ်လောက်က ရေးထားတာပါ။ တိုက်တိုက်ဆိုင်ဆိုင်ပြန်ဖတ်မိလို့ တင်လိုက်ပါတယ်။ ဝေဖန်ပေးကြပါဦး။


ငါသည် အိပ်ယာထက်၌ ရှိသည်။
ထိုအတူ . . . . .
ငါသည် ကျောင်းသို့ သွားသည်။
မင်း . . . . အိပ်ယာအထက်၌ ရှိသည်။ မရှိသည်။
ငါသိသည်။ ထို့အတူ ငါမသိ။
ဒီဇင်ဘာရဲ့ သူရိန်နေမင်းသည်
ကြရှည်ထွန်းလင်းခွင့် မရ။
ငါကိုယ် ငါ လင်းလက်မည်။
ဖယောင်းတိုင်ရဲ့ အလင်း*
ငါအလိုမရှိ . . . .။
ငါ့ကို ငါ အမှောင်ချမည်။
ငါကိုယ် ငါ ယူဆောင်မည်။
ငါ၏ လင်းလက်မှုဖြစ်သည်။

*= သဘာဝမဟုတ်သော အလင်း

Wednesday, December 10, 2008

အကြိုက်ဆုံးကဗျာ

ခပ်ညံ့ညံ့ကောင်က TAGထားတာ မွေးနေ့ပြီးတော့ တယောက်တည်း ဘာတွေအလုပ်ရှုပ်နေမှန်း မသိပါဘူး။ နည်းနည်းပျင်းနေတာ ထင်တာပဲ စာရေးရမှာသာပျင်းနေတာ အိမ်လည်ရတာတော့ မပျင်းဘူး။ ကြိုက်တာတွေကတော့ ရှိပါတယ်။ မှတ်မှတ်ရရကတော့ ဒီကဗျာလေး နှစ်ပုဒ်ပေါ့။

Your are moon.
The moon is my love.
When you are Queen.
I will be King.
If you will have me.
I will have you.
Your are my Sunshine.
My are you Sunshine.


ဘယ်သူရေးတာလဲတော့ မသိဘူး။ သူငယ်ချင်းတစ်ယောက်က လက်ဆောင်ပေးတာ မှတ်တရလေးပေါ့။ နောက်တစ်ပုဒ်က ဆရာမင်းခိုက်စိုးစန်ပါ။ ခေါင်းစဉ်မပါ။ အကြိုက်ဆုံးဖြစ်လို့ မှတ်ထားမိတယ်။ စာအုပ်နာမည်က သုညပါ။
နွေရာသီရောက်တာကိုက စောလွန်းတယ်။
အဲ့လောက် မွန်းကျပ်မယ်မှန်းသိခဲ့ရင်
(အစကတည်းက)
အသက်ရှုတတ်အောင်မသင်ခဲ့ပါဘူး။

ကိုယ့်အကြိုက်ဆုံးကဗျာလေးတွေ ရေးပေးကြပါ။
မတူးတူး/ ဗီဗီ / နန်းညီ / အိဖူး / မဆုမွန် (ရေးပြီး) / မမေ (ရေးပြီး) / ခေါင် (ရေးပြီး)/ ကိုကေလာ /မိုးသား / ချစ်ညီ လွမ်းသင့်သူ / ယမင်း / ညီလေး ထီးရိုး / အပြည့် / ပွကြီး (ရေးပြီး) / ငှက်ကထအန်ဒီ တို့ကို TAG လိုက်ပါကြောင်း။ ရေးပီးသားညီအကိုမောင်နှမတွေကိုတော့ မTAGတက်တော့ဘူး။

Wednesday, December 3, 2008

ကဗျာသည်

ငါဟာ လမ်းဘေးက
ခပ်ပိန်းပိန်းကဗျာသည်လေးပါ။
သူများတွေလို လာပါယူပါလို့လဲ
တစာစာမအော်နေတတ်ဘူး။
ဖက်ကြမ်းဆေးလိပ်တိုလေး ခဲပြီး
ငုတ်တုတ်ထိုင်နေယုံပဲတတ်နိုင်တယ်။
ဖြန့်ခင်းထားတဲ့ ဈေးဗန်းလေးကို ကြည့်ပြီး
တစ်ချို့က မင်းရေးထားတာရော ဟုတ်ရဲ့လား . . . .
တစ်ချို့က ငါ့ ပုခုံးကို ပုတ်ပြီး ကြိုးစားကွာ . . . .
ဘာပဲဖြစ်ဖြစ် ပစ္စည်းအရည်သွေးကို
အကဲခတ်ခွင့်ရှိတယ်။
ဒါပေမဲ့ . . . .
ပြီးပြီးရော ဖြစ်သလို ထုတ်ခဲ့
ပစ္စည်း အရေအတွက် မပါဘူး။
တန်ဖိုးကြီး စာရွက် လှလှတွေနဲ့ ရေးထားပြီး
Quality အော်တဲ့ ဈေးသည်တွေထဲ
ငါ . . . . မပါဘူး။
ငါ့ ပစ္စည်းကို အာမခံရဲတယ်။
ကြည့်လိုက် . . . .
ငါ့ နှလုံးသွေးတွေ တစက်စက်ကျနေတာ တွေ့လိမ့်မယ်။

Sunday, November 30, 2008

ချစ်ညီ ရန်နိုင်


ကျတော့ ချစ်ညီလေးလွမ်းသင့်သူပါ။ ကျတော် Blog ပိုးသွင်းပေးလိုက်ပါတယ်။ အခုမှ စလုံးရေစမဲ့ Blogger သစ်သစ်လေးပါ။ သူနဲ့ကျတော်အကြောင်းကို ဒီမှာဖတ်လို့ ရပါသေးတယ်။ သူမှာလိုအပ်တာ (သို့) အမှားအယွင်းရှိခဲ့ရင် အစ်ကိုဖြစ်သော ကျတော်မှာ တာဝန်ရှိပါတယ်။
ခင်မင်လျှက်
ဖိုးဂျယ်